Учениците од III одделение реализираа креативна активност за кодирање без употреба на компјутер. Следејќи ги зададените инструкции со стрелки и броеви, учениците се движеа низ мрежа од квадратчиња и постепено ги откриваа скриените слики.

Со внимателно следење на насоките за движење нагоре, надолу, лево и десно, учениците ги поврзуваа чекорите од зададениот код, ја исцртуваа сликата и ја боеја според сопствената креативност.

Преку оваа активност учениците ги развиваа логичкото и алгоритамското размислување, концентрацијата, просторната ориентација, прецизноста и вештините за решавање проблеми.

Активноста покажа дека кодирањето може да биде забавно и без компјутер, преку игра, движење низ мрежа, следење инструкции и откривање скриени пораки и слики.

Nearby upcoming events