Во рамките на Неделата на кодирањето 2026, учениците од прво одделение под ментосрство на наставниците Маре Ангеловска и Добри Јовевски во ООУ „Илинден“ – Крива Паланка ја истражуваа врската меѓу народните шари и кодирањето. Народната носија стана нивна сликовница со кодови, во која линиите, боите и украсите раскажуваат приказни за нашето културно наследство. Преку боење на мотивите на носијата, малите творци откриваа повторувања, редослед и симетрија. Шарите ги набљудувавме како низи од знаци: еден мотив се појавува, следниот го продолжува, а со повторување се создава целина. Секоја низа беше можност да размислиме: „Што следува понатаму?“ и „Кое правило ја поврзува шарата?“. Во оваа активност, боичките ја презедоа улогата на алатки за кодирање, а народната шара стана алгоритам што можеме да го видиме и обоиме. Преку учење без компјутер, учениците ги поврзуваа креативноста, внимателното набљудување и логичкото размислување со убавината на традицијата. Некогаш со конец, денес со боички – ја продолжуваме приказната за народната шара, откривајќи го кодот што ја поврзува со иднината.

Nearby upcoming events