„ОТКЛУЧИ ЈА НАРОДНАТА МУДРОСТ – СО КОДИРАЊЕ ЈА ЧУВАМЕ ТРАДИЦИЈАТА“

Негување и зачувување на македонската традиција преку кодирање и дешифрирање народни поговорки, развивање логичко размислување и позитивни вредности: соработка, меѓусебна помош, почитување, пријателство и културно однесување. Поттикнување активно учество на секој ученик во хетерогени групи, согласно индивидуалните способности и можности, со прифаќање на различностите и врсничка поддршка.

Воведна активност – „Мудроста од минатото“

Часот го започнуваме со разговор за минатото, традицијата и народните мудрости што се пренесувале од генерација на генерација.

Со стручниот сорботник им поставуваме прашања на учениците: „Што е традиција?“, „Што се народни поговорки?“, „Одкогостеслушналепоговорки?“ Како се пренесеваат?“Што може да се научи од нив?

Истакнуваме дека поговорките се дел од нашето културно наследство и дека преку нив се пренесуваат важни животни поуки и вредности. Ќе ги запознаам учениците со активностите преку кои ќе ја поврземе традицијата со кодирањето.

Активност – „Дешифрирај ја народната мудрост“

Учениците ги делиме во хетерогени групи. Секоја група ќе добие работен лист со поговорки кодирани преку броеви и букви.

Со помошна табела ќе ги откриваат буквите, ќе составуваат зборови и ќе дешифрираат поговорки.

Учениците ги поттикнуваме да соработуваат, да си помагаат и заеднички да дојдат до решение. Секој ученик учествува според своите способности и можности.

Активност – „Кодирај со симболи – зачувај ја традицијата“ (10 минути)

На групите им поделуваме работни листови со кодирани поговорки претставени преку симболи – слики од традиционални македонски предмети, народни носии, везови, грнчарски садови и алатки.

Учениците ќе ги поврзуваат симболите со зборовите и ќе ги откриваат поговорките.

Ќе разговараме за традиционалните предмети, нивната употреба во минатото и значењето на нивното зачувување.

Преку групната работа ќе поттикнувам меѓусебна помош, почитување и прифаќање на различностите.

Завршна активност – „Поговорката нè учи“

Секоја група ќе добие картички со ситуации од секојдневниот живот. Учениците ќе треба да ја поврзат ситуацијата со соодветната поговорка и да ја објаснат нејзината поука.

Ќе ги насочувам да размислуваат за вредностите што ги пренесуваат поговорките.

Поговорка

Вредност

„Убавиот збор железни врати отвора.“

Културно однесување и почит

„Пријателот се познава во неволја.“

Пријателство и меѓусебна помош

„Сложни браќа куќа градат.“

Соработка и заедништво

„Што ќе посееш, тоа ќе жнееш.“

Одговорност и труд

„Трипатимери, еднашсечи.“

Промисленост и одговорност

„Лозје не бара молитва, туку мотика.“

Труд и упорност

По завршување на активноста ќе разговараме : „Која поговорка ви остави најсилен впечаток?“, „Кои вредности се најважни за добрите односи во нашето одделение?“ и „Како можеме да ги примениме поуките во секојдневниот живот?“

Заеднички ќе заклучиме дека почитувањето, соработката, меѓусебната помош и пријателството се основа за позитивна одделенска клима, а народните поговорки ни помагаат да ги препознаеме и негуваме овие вредности.

Мото: „Ја кодираме мудроста – ја чуваме традицијата, заедно учиме и се почитуваме!“

Тања Црвенковска и Ликица Кантарџиева

Nearby upcoming events