Во активноста „Double Wheel Bot“, учениците конструираа и програмираа подвижен робот со две погонски тркала користејќи LEGO Education SPIKE Essential.

Најпрво внимателно ја изработија основната конструкција, ги поврзаа моторите и ги препознаа клучните елементи неопходни за правилно движење на роботот. Потоа, преку визуелно програмирање со блокови, создаваа и тестираа различни команди за движење, промена на насоката и брзината.

Учениците експериментираа, ги воочуваа грешките и самостојно ги подобруваа своите програми и модели. Преку практичната работа ги развиваа логичкото и алгоритамското размислување, инженерските вештини, креативноста, истрајноста и способноста за тимска соработка.

Активноста беше реализирана со две групи, при што секој ученик активно учествуваше во конструирањето, програмирањето и тестирањето на роботите.

Nearby upcoming events