Во рамките на активноста „DRAWBOT“, учениците работеа во мали тимови и со помош на LEGO Education SPIKE Essential конструираа и програмираа роботи кои можат самостојно да цртаат.

Учениците најпрво ја изработија основната конструкција, го поставија механизмот за движење и прикачија фломастери на роботите. Потоа, преку визуелно програмирање со блокови, ги контролираа брзината, насоката и времетраењето на движењето.

Преку тестирање и менување на програмските параметри набљудуваа како секоја промена влијае врз линиите, формите и патеките што роботите ги создаваат. Ги откриваа и коригираа грешките, ги надградуваа моделите и експериментираа со различни програмски решенија.

На крајот, роботите заеднички создадоа големи и уникатни уметнички дела. Активноста успешно ги поврза програмирањето, роботиката, инженерството и уметноста, а учениците развиваа алгоритамско размислување, креативност, тимска работа и вештини за решавање проблеми.

Активноста беше реализирана со повеќе групи ученици во СТЕМ Роботика Кавадарци, меѓу кои и ученици од програмата WeDo 2.0 кои, поттикнати од интересот за проектот, направија краток вовед во SPIKE Essential Advanced.

Nearby upcoming events