Во рамките на активноста „Walking Bug“, учениците работеа во мали тимови и со помош на LEGO Education SPIKE Essential конструираа и програмираа роботски инсект кој се движи.

Учениците најпрво ја изработија основната конструкција, а потоа преку визуелно програмирање со блокови го активираа моторот и го контролираа начинот на движење на моделот. Преку тестирање и набљудување откриваа како промените во програмата и конструкцијата влијаат врз насоката, брзината и стабилноста на роботот.

По успешно реализираната основна задача, учениците ги надградуваа моделите и програмите со сопствени креативни решенија. Дел од тимовите го изменија механизмот за движење, додадоа гуми и реализираа тестови на брзината, а другите создадоа оригинални конструкции и посложени програмски секвенци.

Активноста беше реализирана со повеќе групи ученици во СТЕМ Роботика Кавадарци. Преку практичната работа учениците развиваа логичко и алгоритамско размислување, креативност, тимска работа, инженерски вештини и способности за тестирање, откривање и коригирање грешки.

Nearby upcoming events