Работилница: „Кодот на македонската народна шара“

Учениците од III-2 одд. од ООУ,,11 Октомври,,-Скопје, Центар, под менторство на наставничката Весна Недановска реализираа работилница за кодирање. Работилницата започна со разговор за македонската традиција, народните носии и богатството на македонските народни везови и шари. Учениците се запознаа со геометриските орнаменти и нивното значење како дел од нашето културно наследство.

Потоа, преку активностите за кодирање без компјутер, учениците следеа алгоритам и според зададени кодови ги боеја квадратчињата, откривајќи традиционални геометриски шари. На креативен и интерактивен начин ги развиваа логичкото размислување, прецизноста, вниманието и вештините за следење инструкции, поврзувајќи ги ликовното образование, општеството и информатиката.

Со оваа активност учениците ја поврзаа традицијата со современите дигитални вештини и научија дека македонското културно наследство може да биде инспирација за учење, творење и истражување.

Nearby upcoming events