Активноста е наменета за ученици во 6. одделение во рамките на темата - Алгоритамско размислување преку игра.

1. Цел на активноста

Активноста има за цел да го развие алгоритамското и компјутерското размислување кај учениците преку практична задача за директно дешифрирање (1:1 замена на броеви со букви), додека истовремено ги запознава со вредностите на македонското културно, духовно и материјално наследство заштитено од УНЕСКО.

2. Структура на активноста

(Интерактивна мисија за учениците): Содржи размешана табела со броеви (од 1 до 20) каде секој број одговара на точно определена буква. Учениците решаваат шест тематски загатки поврзани со македонската традиција:
- Инструмент: Гајда
- Занает: Филигран
- Храна: Тавче гравче
- Обичај: Свадби / Галичка свадба
- Песна: Сонце („Зајди, зајди“)
- Обичај/Маскенбал: Карневал (Вевчански/Струмички)

3. Механика на решавање (Кодирање и извлекување)

Замена на броеви: Учениците ја користат табелата со размешани броеви за да ги претворат дадените нумерички низи во букви и да ги откријат поимовите во секоја загатка.
Празни квадрати и специјални променливи: Во рамките на самите загатки, одредени позиции се намерно оставени празни со специјални ознаки - дефинирање на променливи (И1, И2, М1, М2, А1). Учениците ги пополнуваат тие празни места со буквите што недостасуваат.
Финална мисија (Краен код): Со подредување на извлечените специјални букви според дадената формула, учениците го дешифрираат главниот скриен поим.

4. Педагошки придонес

Го поттикнува логичкото размислување и дебагирањето на грешки низ игра.
Ја збогатува наставната содржина со елементи на меѓупредметна корелација (Информатика, Музичко и Историја/Општество).
Ја зајакнува дигиталната писменост и свеста за македонското културно мапирање во рамките на европската иницијатива за кодирање.

Nearby upcoming events