Проектот „Code for Future: AI and Digital Skills Hub“ ќе опфати активности преку кои ќе бидат вклучени училишта, наставници и учениците во практична и креативна работа. На самиот почеток ќе се изработи детална програма и ќе се воспостават партнерства со училишта и EU Houses, како и комуникација со локалната образовна заедница.

Во рамките на проектот ќе се организираат серии на интерактивни работилници во кои учениците и наставниците ќе учат програмирање, ќе се запознаат со основите на вештачката интелигенција, роботика и проектно учење, и ќе развиваат решенија за реални предизвици. Ќе се формира мрежа од 10 CodeWeek Teachers Expert, наставници кои ќе добијат менторска поддршка и ќе станат лидери во интегрирањето на дигиталната едукација во училиштата. Паралелно со тоа, ќе се развиваат дигитални ресурси и материјали за наставниците.

Ќе се организира локален хакатон „Code & AI for Education“, каде тимови составени од ученици и наставници ќе креираат иновативни решенија, апликации и AI алатки кои ќе одговорат на потребите на образованието и заедницата. Хакатонот ќе поттикне тимска работа, креативност, технолошка писменост и критичко размислување.

Проектот ќе заврши со панел-дискусија на тема „Вештачка интелигенција и иднината на образованието“, на која ќе учествуваат експерти, наставници, млади активисти и претставници од заедницата. На финалниот настан ќе бидат презентирани најдобрите ученички проекти и ќе се доделат признанија за најуспешните учесници. Ќе биде подготвен и обемен извештај со резултати, препораки и насоки за одржлив развој.

Nearby upcoming events