Taħriġ

Għajnuniet ta’ Tagħlim tal-Ġimgħa tal-Ikkowdjar

Materjal ta’ taħriġ u korsijiet online mingħajr ħlas

Hawn tista’ ssib materjal u riżorsi ta’ taħriġ bla ħlas li ser jgħinuk tibda u tippjana l-lezzjoni innovattivi tiegħek li jmiss.

1. Għajnuniet ta’ Tagħlim tal-Ġimgħa tal-Ikkowdjar

Mhi meħtieġa ebda esperjenza preċedenti fl-ikkowdjar jew fl-ipprogrammar, u kull modulu jieħu biss madwar 15-il minuta biex tlestih. Il-modulu jintroduċuk għal kunċetti ewlenin relatati mal-ikkowdjar u attivitajiet tal-ħsieb komputazzjonali. Barra minn hekk, il-moduli jagħtuk ukoll għajnuniet prattiċi u pariri dwar kif tintegra l-kunċetti fil-klassi tiegħek.

2. Korsijiet online mingħajr ħlas

Il-Ġimgħa tal-UE tal-Ikkowdjar toffri opportunitajiet ta’ żvilupp professjonali fil-forma ta’ korsijiet online. L-għan hu li jingħata appoġġ lill-għalliema fit-tagħlim tal-ikkowdjar u tal-ħsieb komputazzjonali fl-iskejjel.

Segwi l-Ġimgħa tal-UE tal-Ikkowdjar fuq il-midja soċjali biex tiskopri meta se jibda l-kors li jmiss .

3. Żid l-avveniment tiegħek ta’ #EUCodeWeek

Issa li lestejt waħda jew aktar mill-Għajnuniet ta’ Tagħlim tal-Ġimgħa tal-Ikkowdjar, nittamaw li tħossok komdu biżżejjed biex twassal xi kreattività diġitali fil-klassi tiegħek u timmarka l-attività tiegħek fuq il-Mappa tal-Ġimgħa tal-Ikkowdjar!

Tista’ faċilment torganizza lezzjoni fil-klassi tiegħek, jum għall-pubbliku jew avveniment fl-iskola tiegħek. Kemm issib data u tirreġistra l-attività tiegħek fuq il-mappa tal-Ġimgħa tal-Ikkowdjar. Kull organizzatur ta’ attività ser jirċievi ċertifikat ta’ parteċipazzjoni għall-isforz tiegħu.

Jekk tixtieq tingħaqad ma’ grupp internazzjonali ta’ għalliema entużjastiċi, issieħeb fil-grupp ta’ Facebook tal-Ġimgħa tal-UE tal-Ikkowdjar għall-għalliema! Biex tieħu pass oltre u tikkollabora ma’ skejjel oħra f’pajjiżek jew bejn il-fruntieri – issieħeb fl-isfida Ġimgħa tal-Ikkowdjar għal Kulħadd.