Introduzzjoni għal Coding@Home

Introduction to Coding@Home

L-esploratur

L-esploratur huwa l-ewwel attività ta’ Coding@Home. Mexxi l-esploratur madwar il-bord biex tilħaq il-mira wara li timxi fuq kemm tista’ kaxxi.

Lemin u xellug

Lemin u xellug hija logħba kompetittiva u kollaborattiva. Iż-żewġ timijiet jikkollaboraw flimkien biex joħolqu passaġġ lejn il-mira filwaqt li jikkompetu biex jużaw kemm jistgħu mill-karti kwadri żgħar li ngħatawlhom: it-tim l-isfar għandu jipprova jdaħħal kemm jista’ liwjiet lejn ix-xellug , u t-tim l-aħmar għandu jipprova jdaħħal kemm jista’ liwjiet lejn il-lemin.

Tidħolx fil-passaġġ tiegħi

Tidħolx fil-passaġġ tiegħi hija logħba kompetittiva bejn żewġ timijiet. It-timijiet jibdew miż-żewġ naħat opposti tal-bord u jibnu passaġġi biex jibblukkaw lil xulxin. It-tim li jipprevjeni lill-ieħor milli jtawwal il-passaġġ tiegħu huwa r-rebbieħ.

Ġbid tal-ħabel

Ġbid tal-ħabel hija logħba kompetittiva u kollaborattiva. Iż-żewġ timijiet (l-isfar u l-aħmar) jibdew fil-parti t’isfel tal-bord fin-nofs u jaħdmu flimkien biex jaslu fil-parti ta’ fuq tal-bord. It-tim l-isfar se jipprova jilħaq il-kaxxi fuq ix-xellug filwaqt li t-tim l-aħmar se jipprova jilħaq il-kaxxi fuq il-lemin.

L-Esploratur mingħajr passi

L-esploratur jimxi fuq il-bord mill-punt tat-tluq sal-mira waqt li jipprova jżur il-kaxxi kollha. Hu u jimxi, iħalli passi kkuluriti li jippermettu lir-robot isegwi l-passi billi jinterpreta l-kuluri. Il-logħba ssir aktar interessanti meta l-esploratur ineħħi l-passi u jħalli biss il-kuluri.

Imxi sakemm tista

F’din l-attività l-isfida hija li tibqa' kemm jista' jkun fuq il-bord bl-użu ta' kuluri minflok marki tas-sieq. L-attività ssir aktar diffiċli aktar ma tiżdied il-libertà tal-moviment

Cody u Roby

Din hija logħba ta' rwoli bil-programmatur, Cody u r-robot, Roby. Il-vidjow jintroduċi l-kards ta' CodyRoby li se nużaw minn issa 'l quddiem biex naraw fejn se nimxu fuq il-bord. Cody se juża dawn il-kards biex jagħti struzzjonijiet lil Roby dwar kif għandu jimxi fuq il-bord

It-turist

Bil-kards CodyRoby, żewġ timijiet jisfidaw lil xulxin biex isibu, fl-iqsar żmien possibbli, is-sekwenza ta' struzzjonijiet li se jiggwidaw lit-turist sal-monumenti li jixtieq iżur fuq il-bord

Aqbad ir-robot

Aqbad ir-robot hija logħba kompetittiva li tista’ tintlagħab fuq mejda jew mal-art. Jirbaħ dak li jirnexxielu jaqbad ir-robot tat-tim l-ieħor billi jidħol fil-kaxxa tiegħu fuq il-bord. L-element aleatorju tal-karti tal-logħob jeħtieġ li ż-żewġ timijiet jaġġustaw l-istrateġiji tagħhom il-ħin kollu.

Is-serp

Is-serp huwa tip ta’ logħba solitaire li tintlagħab bil-karti CodyRoby. L-għan tal-logħba huwa li s-serp jiġi ggwidat minn ġol-kaxxi kollha fuq il-bord mingħajr ma jigdem denbu.

Rakkontar ta’ stejjer

Is-suġġett tal-lum huwa r-rakkontar ta' stejjer! Uża l-istruzzjonijiet ta’ CodyRoby, il-marki tas-saqajn ta’ CodyFeet, jew il-kuluri ta’ CodyColour biex tiggwida l-pawns fuq il-bord biex tirrakkonta storja. Ifrex partijiet differenti mill-istorja madwar il-bord.

Iż-żewġt isriep

Bl-użu tal-kards CodyRoby, iż-żewġt isriep jiċċaqilqu madwar il-bord u jippruvaw ifixklu l-moviment ta’ xulxin. Ir-regola bażika hija sempliċi ħafna: ma tistax tmur lura fuq kaxxa li diġà żarha serp. Ir-rebbieħ huwa s-serp li kapaċi jiċċaqlaq liberament għall-itwal żmien.

Vjaġġ bir-ritorn

It-timijiet jilagħbu meta jkun imisshom. L-ewwel wieħed jippjana l-vjaġġ ’il barra filwaqt li t-tieni wieħed irid iġib lil Roby lura għall-punt tat-tluq. Din tidher li hija xi ħaġa faċli iżda fil-fatt mhijiex, speċjalment jekk tippjana l-mossi f’moħħok biss mingħajr ma ċċaqlaq lil Roby...

Punt ta’ kuntatt

Din id-darba nippjanaw il-mossi tagħna qabel ma nibdew. Iż-żewġ timijiet ipoġġu l-karti fuq il-mejda biex joħolqu s-sekwenza ta’ struzzjonijiet li ser imexxu lir-robots rispettivi tagħhom, iżda xejn ma jista’ jiċċaqlaq sakemm wieħed mill-ġugaturi ma jgħidx "Ibda!”. F’dak il-punt, il-programmar jintemm u tibda l-azzjoni. Il-ġugatur li jkun qal "Ibda!” jirbaħ biss jekk iż-żewġ robots, li jkunu t-tnejn eżegwew l-istruzzjonijiet tat-tim tagħhom, jispiċċaw fuq l-istess kaxxa.

Segwi l-mużika

Meta sekwenzi ta’ struzzjonijiet ta’ programmar jirrepetu lilhom infushom perjodikament, ikun qisu daqs li kieku għandhom ritmu. Jekk aħna nassoċjaw ħoss ma’ kull struzzjoni, nistgħu niggwidaw lil Roby permezz tal-mużika. Dan huwa preċiżament dak li ser nagħmlu din id-darba. Ser noħloq programm għalik billi nuża ħsejjes differenti li jirrappreżentaw struzzjonijiet differenti, u inti ser tmexxi lil Roby madwar il-bord billi ssegwi dawn l-istruzzjonijiet ibbażati fuq il-ħsejjes.

Imla kollox bil-kulur

Nistgħu niggwidaw lir-robots madwar il-bord b’tali mod li jagħmlu tpinġija bit-traċċi tagħhom? F’din l-attività, se nilagħbu bl-ikkowdjar u bl-arti tal-pixels, jiġifieri se niffurmaw l-istampi billi nimlew il-kaxxi bil-kulur fuq bord iċċangjata, bħal pixels fuq skrin.

CodyPlotter u CodyPrinter

X’inhi d-differenza bejn plotter u printer? Skopri billi tilgħab din l-attività ta’ kkowdjar.

Pixels Monotoni!/Użu tan-numri

Billi nagħtu struzzjonijiet lil Roby biex jifforma stampa kaxxa kaxxa, pixel pixel, niskopru li meta ħafna kaxxi ħdejn xulxin ikollhom l-istess kulur, nistgħu nużaw in-numri biex issir iktar interessanti. Il-kompjuters jagħmlu l-istess...

Nittrasformaw il-kowd fi stampi

Issa rajna li nistgħu noħolqu kowd li jippermettilna npinġu stampa. Ħsibt fi tpinġija u użajt il-kowd biex nittrasformaha f’ittri u numri, li tajtek. Ħu nota tal-ittri u n-numri u uża l-kowd biex terġa’ tibni t-tpinġija.