Овој онлајн вебинар е наменет за запознавање на наставниците со можностите што ги нуди платформата EU Code Week – европска заедница која го поттикнува развојот на кодирањето, дигиталните вештини и креативната употреба на технологијата во наставата. Преку вебинарот, учесниците ќе се информираат за достапните обуки и курсеви за наставници, едукативни ресурси и готови активности за училница, регистрација на активности на Code Week мапата, како и за сертификати за учество. Платформата нуди и можности за соработка со други наставници и училишта во земјата и Европа, вклучување во предизвици како Code Week 4 All, размена на идеи и добри практики, како и пристап до поширока заедница на наставници, амбасадори и образовни партнери. Посебен акцент ќе биде ставен на тоа како Code Week придонесува за подобрување на дигиталната писменост, развој на компјутерско размислување, креативност, решавање проблеми и одговорна употреба на дигитални алатки кај учениците и наставниците.

Nearby upcoming events