Во рамките на активностите за EU Code Week, учениците од второ одделение ќе учествуваат во интерактивна активност поврзана со наставната содржина по математика „Насока и движење“.

Целта на активноста е учениците преку игра и едноставни елементи на кодирање да ги разберат и применуваат поимите лево, десно, напред и назад. Преку решавање на мали предизвици и движење на ликот низ патека, учениците ќе развиваат логичко размислување, ориентација во простор и основни алгоритамски вештини.

Учениците од второ одделение преку играта ќе научат како правилно да ја одредуваат насоката на движење и ќе можат да креираат едноставни чекори (команди) за движење на ликот до целта.

За оваа активност учениците ќе ја играат дигиталната игра креирана во Canva, која е прилагодена за нивната возраст. Во играта тие најпрво ќе можат да го внесат своето име, да изберат аватар, а потоа ќе поминуваат низ неколку нивоа со различни задачи поврзани со насока и движење.

Преку оваа активност учениците на забавен и креативен начин ќе се запознаат со основите на кодирањето и ќе ја поврзат математиката со дигиталните технологии.

Nearby upcoming events