Со особена гордост и ентузијазам, учениците од трето одделение при ООУ „Браќа Миладиновци“ активно се вклучија во одбележувањето на Code Week 2025. 💻✨

cw258I6vx

Под менторство на одговорниот наставник, дефектолог Милена Илиќ Пешиќ, реализиравме креативна и едукативна активност која ги поврза технологијата, креативноста и вредностите на инклузијата.

Учениците изработија впечатлив постер со наслов „Сите сме различни, сите сме важни“ и силна, инспиративна порака: „Сите припаѓаме.“

Во центарот на хамерот тие изработија круг – симбол на заедништво, еднаквост и прифаќање. Во кругот беа поставени слики од деца со различни способности, вклучувајќи и деца во количка и деца со попреченост, претставени како дел од истата заедница. Околу нив учениците залепија инклузивни пораки кои поттикнуваат почитување, разбирање, другарство и меѓусебна поддршка.

Преку оваа активност, децата не само што ја развиваа својата креативност и тимска работа, туку учеа и важни животни вредности – дека различностите нè прават посебни, но дека сите сме еднакво вредни и сите имаме свое место во општеството.

Code Week 2025 за нас беше можност да испратиме силна порака: училиштето е место каде што секое дете е прифатено, почитувано и охрабрено да блесне со својата уникатност. 🌍❤️

#CodeWeek2025 #ООУБраќаМиладиновци #Инклузија #СитеСмеРазличниСитеСмеВажни #СитеПрипаѓаме

Nearby upcoming events