Учеството на ООУ „Браќа Миладиновци“ – Куманово во CODE WEEK 2025

Во рамки на европската иницијатива Code Week 2025, ООУ „Браќа Миладиновци“ – Куманово активно се вклучи со реализирање на едукативна активност со учениците од трето одделение на тема „Кодирање преку боење според броеви“.

cw258I6vx

Целта на активноста беше на учениците да им се доближат основните поими од кодирањето и алгоритамското размислување на начин соодветен на нивната возраст. Преку методот „боење според броеви“, учениците следеа јасно дадени инструкции, ги поврзуваа броевите со одредени бои и чекор по чекор создаваа конечен визуелен продукт.

Со оваа активност се поттикнуваше:

развој на логичко и критичко размислување,
способност за следење редослед и инструкции (алгоритам),
концентрација и внимание,
фина моторика,
креативност и самостојност во работата.

Преку игра, визуелизација и практична работа, учениците се запознаа со основните принципи на кодирањето, сфаќајќи дека секоја задача има јасна структура и редослед на чекори кои водат до решение. Активноста беше реализирана во позитивна и мотивирачка атмосфера, при што учениците покажаа голем интерес, ентузијазам и активно учество.

Одговорен наставник за реализација на активноста е дефектолог д-р Милена Илиќ Пешиќ, која преку современи и инклузивни наставни пристапи континуирано работи на развивање на дигиталните и когнитивните вештини кај учениците.

Со учеството во Code Week 2025, училиштето уште еднаш ја потврдува својата заложба за примена на современи образовни практики и активно вклучување во европските иницијативи за развој на дигиталната писменост и програмерското размислување од најрана возраст.

Nearby upcoming events