На часот по математика тргнавме на мала авантура во светот на координатите, а потоа продолживме и по патот на лавиринтот, каде сакавме да видиме колку можеме да се ориентираме во просторот, дали некогаш кога ќе наидеме на препрека знаеме да отидеме по друг пат и повторно да дојдеме до целта!

Замислете дека овој лавиринт е мапа на богатство, а ние сме истражувачи. За да го пронајдеме богатството и дојдеме до целта односно ценатарот на лавиринтот, играта ја започнаа во групи од по четири ученика, каде секој имаше свој влез на лавиринтот и секое вртење на коцката покажуваше колку полиња, кругчиња треба да се обојат, а при тоа требаше да се внимава да не се стапне т.е. обои веќе обоено кругче од друг играч и да се пронајде патеката до центарот.

Во духот на EU Code Week, видовме дека беше многу интересно да се пронајде патот до целта на малку поинаков начин, да се развие натпреварувачкиот дух кој прв ќе стаса до целта и секако забавувањето додека се движеа учениците низ лавиринтот.

Учениците се секогаш подготвени да бројат, да истражуваат и да создаваат – затоа што математиката може да биде забавна.

Nearby upcoming events