Интегриран час по музичко образование и дигитални вештини | EU Code Week 2025 Создаваме мелодии со вештачка интелигенција Во ООУ „Браќа Миладиновци“ – Куманово, со учениците од III одделение, реализиравме креативен и иновативен интегриран час по музичко образование и дигитални вештини, во рамки на EU Code Week 2025. Преку користење на експерименталната алатка Assisted Melody (Google), учениците самостојно создаваа сопствени мелодии на виртуелен нотен лист, повторувајќи ги нотите и истражувајќи како вештачката интелигенција може да помогне во музичкото создавање. Тие имаа можност да изберат нивните мелодии да звучат во стил на класични композитори како Моцарт, Бах и Бетовен, како и да ги „изведат“ со звук на омилен инструмент – пијано, флејта, чембало или хармоника. Преку оваа активност, учениците ја доживеаја музиката како средство за изразување, радост и позитивни емоции, а воедно се запознаа и со можностите на современите дигитални алатки и вештачката интелигенција во образованието.

Nearby upcoming events