Kompeticioni STEAM organizohet nga Shkolla Profesionale Elbasan në kuadër të EU Code Week, me qëllim nxitjen e inovacionit, kreativitetit dhe zhvillimit të aftësive digjitale të nxënësve në fushat Shkencë, Teknologji, Inxhinieri, Arte dhe Matematikë (STEAM).

Aktiviteti zhvillohet nën mbikëqyrjen e profesoreve te drejtimit Teknologji Informacioni dhe Komunikimi dhe drejtuesve te Shkolles Profesionale Elbasan, te cilet do të koordinojnë dhe udhëheqin nxënësit gjatë gjithë procesit të projektimit, zhvillimit dhe prezantimit të projekteve.

Gjatë kompeticionit, nxënësit do të punojnë individualisht ose në ekipe për të krijuar projekte inovative që lidhen me një ose disa nga temat e mëposhtme:

Inteligjenca Artificiale (AI) dhe AI Gjeneruese
Robotikë, Drone dhe Pajisje Inteligjente
Siguria Kibernetike dhe Menaxhimi i të Dhënave
Zhvillimi i Aplikacioneve Web, Mobile dhe Softuerike
Programimi Vizual dhe Programimi me Blloqe

Pjesëmarrësit do të zhvillojnë zgjidhje praktike për sfida reale duke përdorur programimin, mendimin kritik, kreativitetin, bashkëpunimin dhe metodologjitë e projektimit. Projektet mund të përfshijnë aplikacione web dhe mobile, sisteme të bazuara në Inteligjencën Artificiale, robotikë, pajisje IoT, zgjidhje për sigurinë kibernetike dhe produkte të tjera inovative me ndikim në komunitet.

Përgjatë aktivitetit, nxënësit do të përfitojnë mentorim, do të zhvillojnë aftësi teknike dhe profesionale, do të punojnë në grup dhe do të përmirësojnë aftësitë e prezantimit të projekteve. Kompeticioni synon të promovojë kulturën e kodimit, inovacionin dhe përdorimin e përgjegjshëm të teknologjisë, duke i përgatitur të rinjtë për profesionet e së ardhmes.

Në përfundim të aktivitetit, projektet do të vlerësohen nga një komision sipas kritereve të inovacionit, cilësisë teknike, funksionalitetit, kreativitetit, bashkëpunimit në ekip dhe prezantimit. Ekipet më të suksesshme do të pajisen me certifikata dhe vlerësime.

Ky aktivitet është pjesë e angazhimit të Shkolla Profesionale Elbasan për promovimin e edukimit digjital dhe mbështet misionin e EU Code Week për zhvillimin e aftësive në programim, teknologji dhe inovacion tek të rinjtë.

Nearby upcoming events